Tailandani boxe

Fro Wikipedia
Jump to: navigatione, sercha
Kombate de tailandani boxe inter juveni persones in Bangkok.

Tailandani boxe (o Muay Thai) es sporte de kombate (martial arte) kel esed developat in Tailande. Lum es konosat anke kom "li arte de toti li membres", pro ke li manus, li pedes, li elboves e li genus bli usa tantim. Similar milital artes exista in Kambodie, Laos, Myanmar e Malaysie.

In li kompetitione, li alti kolpes de pede in li kape pove sembla a fa maxim forti efekte. Malgre dise, li expertes de disi sporte deklara ke li basi kolpes de pede, li elboves, e li genus es maxim destruktiv por li kombatantes.

Persone, kel prenda parte in li kompetitione, ante li kombate fa li longi seremonie e li akte establit per kostume. Lus exista religiosirez e lus servi kom extensione de muskules e kom preparatione.

Li exersitatione por tailandani boxe es konosat por su severeso e su firmeso. Lum aspira a indura li okto membres del korpore, de sorte ke es kolpat kun li ose de tibie del boxere de tailandani boxe bli frequentim kompara kun bli kolpat kun baston de baseball. Li boxeres de tailandani boxe usualim kolpa kun li ose de tibie in loke de kun li pede.

Tailandani boxe ha influa multum super developo de kick-boxing kel depos ha bli krea in Japon, in Europe, e in Amerike del Norde.

Preske omni movo in tailandani boxe usa li toti korpore, dirigant li hanches vers omni kolpe de pede e omni kolpe de pugne. Kom konsequense, li atakes e li defense in tailandani boxe es maxim lenti ma maxim potent per exemple ke en boxe o en karate.

Un ek li pioneres de disi sporte es Tulgar Dursun.

Extri linkes[modifika | edit source]

Template:Commonscat