Kick-boxing

Fro Wikipedia
Jump to: navigatione, sercha
Kombate de kick-boxing
German Open 2010

Kick-boxing o kick-boxe es deskriptiv termine por martial artes kel, malgre ke similar a boxe, usa li pedes e anke li manus por kolpa. Kick-boxing pove es praktikat por general sanitate, o kom sporte de kombate. Li vorde kick-boxing representa grupe de disiplines o sportes de kombate kel usa li pedes e li pugnes. Spesialim, kick-boxing es un ek li disiplines de boxe pieds-poings kel blid developa unesmim per li japonanes e depos per li statouniteses. Es diferent genres de kick-boxe, maxim popular forme es un vor kolpes de pede es permitet nur vers kape e torse.

In li medie del yares 1960, li japonane Kurosaki, kel did traina in Karate Kyokushinkai, did voyaja a Tailande deskovrantnt le ambite de tailandani boxe. After su ritorne al Japon did deside a kombinar su teknikes de karate kun disis de tailandani boxa, ekartant kolpes de elbove (li amerikanes anke did ekarta kolpes de genu), talim novi sporte apelat "kick-boxing" did naska se.

Inter li non-japonanes kel did gana maxim suksesos, spesial konsideratione have a esar donat a franse Christian Guillaume kel in 1969 did gana 4 viktories e du partites nule; e amerikane Benny "The Jet" Urquidez kel in 1977 did bata Tatsuyuki Suzuki in 4 rondes.

In 1973 Urquidez e Howard Hanson did krea li WKA (World Karate Association), kambiant yares after li "K" de "karate" por disi de "kick-boxing".

Li maxim konosat championes es Rob Kaman, Benny Urquidez, Dennis Alexio, Ernesto Hoost, e Marek Piotrowski.

Regles[modifika | edit source]

Li kolpes de pugne e kolpes de pede es permitet super li talie, anke li sweepings (e li low kicks (kolpes de pede al femure) es permitet.

Li "diletanti" kombates es konduktet in trie rondes, e li profesionales dura pent rondes; 10 in championates de Europe e 12 in li mondial championates, kun intervale (pausa) de un minute inter rondes.

Li kolpes de pede al femure (low kick) ordinarim deside super li difero in li kombates.

Equipamente[modifika | edit source]

Pantalones (longi o kurti), pugilisti gantes e protektores por li dentes e por li genital organes; in li femini kombates, femes have a anke portar protektor de pektore e botes (non requiret in li profesional kombates).

Extri linkes[modifika | edit source]