Mammalia

Fro Wikipedia
Jump to: navigatione, sercha
ThreeCirclesPlain.svg Natural sientiesBiologiaEukaryotaAnimaliaChordata → Mammalia


?Mamiferes
Range de fosilus: Tardi Triase– Resente
Procyon lotor
Procyon lotor
Siential klasifikatione
Regia: Animalia
Filum: Chordata
Subfilum: Vertebrata
(nonklasifikat) Amniota
Klase: Mammalia
Linnaeus, 1758
Subklases e Infraklases

Li mamiferes (klase Mammalia) es li klase de vertebrosi animales karakterisat dal presenteso de mamal glandes, kel in females produkte milke por nutrio de yunes. Les es anke karakterisat del presenteso de piles o fure e homeotermi, tu es varmi-sangal, korpores. Li serebre regula li homeotermi e sirkulational sistemes, inklusent li quar-chambral kordie. Mamiferes inkluse 5 500 spesies (inklusent homes) distribut trans sirk 1 200 genres, 152 families e til 46 ordines, quankam li exakti nombres varia segun li klasifikal skeme.

Filogenetikalim on defini li klase Mammalia kom omni desenseres del maxim resenti komuni ansestre del ordine Monotremata (exemplim ekidnes e ornitorinkes) e del subklase Theria (marsupiales e plasentales).

Mamiferal anatomia[modifika | edit source]

Skeletal sisteme[modifika | edit source]

Li majoritate de mamiferes have set servikal vertebres (kolal oses), inklusent vespertilies, girafes, balenes e homes. Li poki exeptiones inkluse li genre Choloepus, kel have nur six servikal verterbres, e li genre Bradypus kun nin servikal vertebres. Mamiferes have tri oses in chaki orele e uni (li mandible) an chaki flanke del subi maxile. Un grupe de terapsides nomat sinodontes haved tri oses in li maxile, ma li maxim grandi maxilal junkte esed li mandible e li altri oses kondukted suone. On kreda ke li plusi maxilal oses de altri vertebroses es homologi ye li malleus (hamre ose) e incus del mamiferal orele.

Respiral sisteme[modifika | edit source]

Vida li texte pri mamiferal lunges.

Sirkulal sisteme[modifika | edit source]

Li mamiferal kordie have quar chambres: li dextri atrie(?), dextri ventrikle, lefti atrie(?) e lefti ventrikle. Atries resiva sange e li ventrikles pumpa sange al lunges e korpore. Li ventrikles es plu grandi kam li atries e lusen mures es diki, pro ke musklosi mures es besonat por forsosim pumpa li sange fro li kordie al korpore e lunges. Desoxigenat (?) sange fro li korpore envada li dextri atrium, kel pumpa lu al dextri ventrikle. Li dextri ventrikle pumpa sange al lunges, vor karbo dioxide difuse eku e oxigene difuse inu. Fro li lunges oxigenat sange envada li lefti atrie, kel pumpa lu al lefti ventrikle (li maxim grandi a maxim forti del quar chambres), kel pumpa lu eku al reste del korpore, inklusent li kordien propri sangal provisione.


Klasifikatione[modifika | edit source]

Subklase Prototheria[modifika | edit source]

Subklase Theria[modifika | edit source]


General subfakes de biologia
Anatomia | Astrobiologia | Bioinformatike | Biokemie | Botanike | Ekologia | Developal biologia | Evolutional biologia | Fisiologia | Genetike | Genomike | Homal biologia |Maral biologia | Mikrobiologia | Molekulal biologia | Origine de vivo | Paleontologia | Parasitologia | Selulal biologia | Soologia | Taxonomie