Developal biologia

Fro Wikipedia
Jump to: navigatione, sercha
ThreeCirclesPlain.svg Natural sientiesBiologia → Developal biologia


Wiktionarie traduktiones del title [ dislok]

Developal biologia es li studio del kresko e developo de organismes. Moderni developal biologia studia li geneti kontrolo de selular kresko, diferentiatione e morfogenese, kel es li prosedo kel krea organes e anatomia. Embriologia es subfake pri li studio de organismes inter li uni-selular nivele (generalim nomat sigote) e li fino del embrioal nivele, kel non es nesesarim li komenso de liberi vivanti organisme. Originalim embriologia esed plu deskriptiv sientie til li duantesmi yarsento. Embriologia e developal biologia disdi trakta li diversi gradus kel es nesesari por li korekti e kompleti formatione del korpore de vivanti organisme.

Tipal animalal selule.

Li parenti fake de evolutionari developal biologia bli forma ye li 1990 dekyare e es sintese de trovos fro molekular developal biologia e evolutionari biologia kel konsidera li diverseso de organismal forme in evolutionari kontexte.

Li trovos de developal biologia helpa komprenda developal malfunktiones kom kromosomal erores, exemplim, Down sindrome. Komprendo del spesialisatione de selules durant embriogenese povud provise informatione pri qualim spesialifika radikal selules por spesifikat organes. Dise povud dukte a spesifikat klono de organes por medikal emes. Altri biologialim importanti prosedo kel eventa durant developo es apoptose o selular selftuo. Pro disi resone multi developal modeles bli usa por deskovra li fisiologial e molekular fundamente de disi selulari prosedo.

General subfakes de biologia
Anatomia | Astrobiologia | Bioinformatike | Biokemie | Botanike | Ekologia | Developal biologia | Evolutional biologia | Fisiologia | Genetike | Genomike | Homal biologia |Maral biologia | Mikrobiologia | Molekulal biologia | Origine de vivo | Paleontologia | Parasitologia | Selulal biologia | Soologia | Taxonomie