Sumo

Fro Wikipedia

Sumo (Japanum: 相撲 Sumō) es sporte e martial arte de Japan, ben ke disdi, kelke sumotori (li lukteres de sumo) es de Hawaii. Lu es ansieni arte, e inkluse multi elementes del religione Shinto.

Historie de sumo[modifika | edit source]

Kom li majoritate del formes de libere lukto in li monde, li radikes de sumo bli perda a prehistorie. Sumo es mentionat in li maxim antiqui japanani textes, del VIII yarsento KE (komuni era). Lun antiqui formes non es sumo kom ke es disdi, pro ke lu non had multi regles e on parlad de sumo anke por del luktos al morte. Kelke legendes dikte ke bravi sumotori esed bonim a porta maxim ke tune de armature a batalie, ma disi legendes es multum exagerat.

Kun sen use kom pruvo de forse in kombato, sumo anke ha eset asosiat al rituales Shinto, e anke disdi kelke miyai (temples Shinto) fa tipe de danso ritual in kel un humane ceremonialim lukto sin armes kun kami (spirite o deeso).

In li skriptet japanani historie, li populareso de sumo ha chanja segun li kaprises del empereres e li besone de manere por traina se in periodes de sivili guere. Li forme de kombato ha chanja gradualim a tal in kel li eme por li venko esed jeta tu oponente. Li konsepto de pulsa sen oponente a foras de limitat arena ha bli krea multi after.

On kreda ke li ring, definit per maxim ke li area cedet ? al sumotori per li spekteres, ha bli krea in li XVIesmi sekle in tornee kel did bli organisa per li chefi japanani de disti era, Oda Nobunaga. Alora, li lukteres portad laxi surenes, non li rigidi mawashi de disdi. Li majoritate del disvelopamente del moderne sumo esed in li unesmi partes del Edo periode.

Tum es natural ke li sumo usualim es praktisat inter vires; ma, disdi, il ha separat asosiatione por li femas.

Gana parte de sumo[modifika | edit source]

Kom gana in sumo es asatis simple:

  1. Li unesmi sumotori, kel tucha li terra kun irgi parte de sen korpore (altri ke sen pedes), perda.
  2. Li unesmi sumotori, kel tucha li terra foras del ring, perda.
  3. Sumotori, qui usa ilegal teknike (o kinjite), perda.
  4. Sumotori, de qui sen mawashi li detacha, perda.
  5. Sumotori pove eser deklarat shini-tai ("kadavre"), situatione in kel il perda, quando ke es in situatione in kel il non pove luktar maxim. He regle es usat rarim.

Li partes usualmente dura sol sekundes, in keles sumotori bli rapidim expulsa del ring o jetat al argile; ma in rar situationes pove durar hores. Omni parte bli presedeti kun seremonial e elaborat. Li sumotori es famosi per sen grande mase, kel es in efekte faktore importanti in li sumo.