Oradour-sur-Glane

Fro Wikipedia
Jump to navigation Jump to search

Fransiani vilaje del Limousine, departamente del Haute-Vienne (89), nunim en regione Nouvelle Aquitaine / Akitania Novi. (en limusiniani lingue un oradour es loke vor on prega)

Li dek de junie 1944 li divisione SS "das Reich" did tua omni li habitantes kel esed en li vilaje plus altri persones kel non esed del vilaje ma venid tu voyaja kun li tramway kel had statione dar.

Li SS, germanianos, alsasianos "malgré nous", alsasianos volontari e uni Loreno volontari did konvoka li povo sur li sentrali plase, separa li viros from li femas e pueres.

Les did fusilia omni li viros en granjeye e li femas e pueres en li kirke "même les bébés dans leurs voitures" (til la pueretes en len vetures) e did poza faire sur omnes.

Sink persones did have li shanse tu bli vunda rapidim e tu bli kovra da li kadavres del altri, pos tu bli pokim brula e tu have sati forses tu pova ekvada.

Puere set-ot yares oldi, refujiati from Lorena por non tu deveni germaniano, did komprenda rapidim tum kel sal veni e did sela-se.

http://www.ina.fr/contenus-editoriaux/articles-editoriaux/oradour-village-martyr/


Li habitantes mantena li destrukted vilaje e did konstru altri a flanke.

Li SS volontari did es kondemnati al morteso pos li guere ma, timand alsasiani separatisme, li politi autoritates did grasia-les pos sink yares, tum kel did fa ke li habitantes de Oradour refusad til resentim li visites del presidentes.

  • Li malgré-nous / malgre nus esed alsasianos e moselianos en aje tu fa li guere kel esed angajati pri forse "malgre nus" en li hitleriani armee den Alsasia e Mosela devenid parte del germaniani Reich.