Oldi kirkeslavum

Fro Wikipedia
Li unesmi pagine del Evangelie segun Johannes in li Codex Zographensis, skriptet per li glagoliti alfabete

Oldi kirkeslavum (словѣньскъ ѭзыкъ, slověnĭskŭ językŭ), anke konosat sub li nomes oldi slavum, oldi bulgarum e oldi makedonum, es li maxim oldi skriptet lingue del Slaves. Li lingue ha bli forma depos li medium del ninesmi sekle, chefim sur li base del slavi dialektes de Saloniki in li Bizantini Imperie, e omnitem ha plea importantisi role ye li historie del slavi lingues. Pro sen simileso al protoslavi lingue oldi kirkeslavum have anke grandi siential signifikatione.

Kirkeslavum exista in diversi redaktiones, kel ha bli li base por li bulgari, rusi, serbi e kroati literaturi lingues. Ankore disdi kirkeslavum bli usa in li ortodoxi e esti-katoliki liturgies. Moderni i simplifikat forme de oldi kirkeslavum, intentet por parlati i skripteti komunikatione, es li interslavi lingue.