Novajes fro Finlande 2009.05.30
Triantesmi (30esmi) de maye dumil-nin (2009): 2009.05.30
Semane duanti-du (22) de dumil-nin (2009)
Nordi Korea fad nukleusal probo[modifika | edit source]
Nordi Korea ha fa nukleusal probo. Nordi Korea raportad li nukleusal probo lundi, li duanti-sinkesmi (25emsi) de maye. Nordi Korean nukleusal explosione blid detekte in Sudi Korea, pro ke dar li tere tremblad. Li nukleusal probo blid fa sub tere.
Mesure-stationes in Finlande anke registrad Nordi Korean nukleusal probo. Li explosione esed tam potenti kam li bombes kel falad a sur Hiroshima e Nagasaki durant li Duesmi Monde-Milite sixanti-quar (64) yares ante nun. Nukleusal armes bli developa per nukleusal probos.
Li Sekureso-Konsilistaro del Unionati Nationes (UN) ha kondemna Nordi Korean nukluesal probo. Anke multi nationes pavoreta pro Nordi Korean arme-probo.
Chefe del Unionati Nationes visita Finlande[modifika | edit source]
Li chefe del UN, Ban Ki-moon, ha visita Finlande. Ban Ki-moon dikted in Helsinki, ke Nordi Korean nukleusal probo es mali afere. Segun Ban Ki-moon li toti monde mus koopera konter nukleusal armes.
Ban Ki-moon anke parlad in li parlamente de Finlande. Lo parlad exemplim pri egalitate. Ban dikted ke Finlande es lande de egalitate. Altri landes pove prenda exemple fro Finlande relat egalitate.
In Finlande Ban Ki-moon renkontrad presidente Tarja Halonen e primi ministre Matti Vanhanen. Disu esed li unesmi foye ke Ban Ki-moon visitad Finlande kom chefe del Unionati Nationes.
Li Primi Ministre de Estonia visitad Finlande[modifika | edit source]
Anke li primi ministre de Estonia, Andrus Ansip, ha visita Finlande. Ansip dikted ke lo kreda ke Estonia sal usa euros non plu tardim kam li yare dumil-dek-un (2011). Primi ministre Ansip kreda ke li ekonomi krise non sal efekta li afere.
Estonian primi ministre Andrus Ansip renkontrad primi ministre Matti Vanhanen in Finlande. Li primi ministres de Finlande e Estonia diskused exemplim li elektri kable, kel sal bli konstrukte inter Finlande e Estonia. Li Europani Unione ha dona sent milion euros por konstruktione del kable.
Frui Voto por li Europani Elektiones ha komensa[modifika | edit source]
Frui voto por Finlanden europarlamentanes komensad merkurdi. Finlande have dek-tri (13) parlamentanes. Frui voto kontinua til mardie, li duesmi de june. Sundi lokes por frui voto sal es klosati, pro ke sundie es Pentekoste.
In Finlande li ofisial voto-die es sundie, li setesmi (7esmi) de june. Li novi parlamente sal komensa laboro durant julie. Li Europani Parlamente bli elekta til after sink (5) yares.