Lume
.JPG)
Lume es elektromagneti radiatione a kel li okule homal es sensitivi.
Lum-radiatione okupa li mikri parte del elektromagneti spektre inter li ond-longitates 400nm e 770nm.
Li okule rekogni lume de diferant ond-longitates kom diferanti kolores. Li kurti longitates forma li blu extremum del (vidabli) spektre; li longis forma li red extremum.
On aplika li nome "lume" anke a ond-longitates apud li vidabli spektre, nomim infraredi lume e ultervioleti lume. Objektes kel nek emise nek reflekte vidabli lume apari a nus kom nigri.
Komensim del 20esmi sekle on debatad li nature de lume, e Planck e Einstein proposid explikationes kel suposid ke lume porta energie in quantus (vida quantum-teorie, fotone).
Disdi fisikistes explika lumal fenomenes segun o ondi, o quantus, usant sempre li maxim konvenanti explikatione por li partikulari eme.
Li sune es li chefi fonte de lume sur nusen tere.