Belfort

Belfort es fransi urbe kel esed alsasiani til 1871 en li departemente Haut-Rhin / alti Reno.

Lun garnisone komandati dal kolonelo Denfert-Rochereau resistid til li fine del guere kand li fransi governo did demanda li armistise.

Kun eleganse li Prusianes rendad li honores al soldates del garnisone e lasad al Fransia li urbe kun mikri teritorie sirkum.

Fransia kread dunke li mikri departemente Territoire de Belfort kel exista anke nunim.

Lentim homes venid del Franche-Comté vizini kel non parlad alsasium.

De dez-mil habitantes anke en 1970 li urbe devenid grandi kun proxim sinkanti-mil habitantes ma primim aglomeratione sirkum kel konta proxim sent trianti mil habitantes kel labora a Belfort.

Li komunie-chefo del urbe esed multempe Jean-Pierre Chevènement kel did es plurifoy ministro.

Li departemente Territoire de Belfort fad parte del regione Franche-Comté, resentim unionati kun li regione Burgundia.