Stanislas Konarski

Fro Wikipedia
Jump to: navigatione, sercha
Stanislas Konarski

Stanislas Konarski (polonim: Stanisław Konarski). Lon veri nome esed Hieronim Franciszek Konarski), naskad ye 30 septembre 1700 in Żarczyce; morid ye 3 auguste 1773 in Warszawa (Polonia), esed poloni instrukte e skriptere. Lo did fika instruktione plu bon; lo skripted politikal libres, poemes, e dramates. Lo esed monk - membre del ordine de Piaristes; lo portad li Enlightenment in Polonia.

Medale de 1765 kun li aspekto de Stanislas Konarski. Dar es skriptet in Latinim: Sapere auso

.

Inter 1725 e 1727 Konarski studiad in li Collegium Nazarenum in Roma, vor lo devenid instruktere de retorike - li arte de bon parlo. After tu, por plubonisa sen savo, lo voyajad tra Fransia, Germania e Austria. Ye 1730 lo retrovadad a Polonia e komensad labora sur novi texte de poloni lege ("Volumina legum").

Fro 1736 Konarski instrukted in li Collegium Resoviense in Rzeszów e ye 1740 lo komensad li Collegium Nobilium in Warszawa, skole por filios del homes de alti sosial klase ("szlachta"). Aftru, lo plubonisad instruktione de Piaristes in Polonia, in metode kel konkorda kun sen programe de instruktione (Ordinationes Visitationis Apostolicae..., 1755). Lon plubonisos devenid importanti punte in li lukta de 18smi sekle por fa li sisteme de poloni instruktione plu moderni.

Komensim, Konarski esed konektet politikalim kun Rego Stanislas Leszczynski; aftru, lo devenid proxim li "Familie" de Czartoryski e a Rego Stanislas August Poniatowski. Lo prendad parte in li famosi "Thursday dinners". Stanislas August Poniatowski fika ke medal blid kreat in li honore de Konarski, kun lon aspekto. Dar esed skriptet latinim: Sapere auso ("kel esed kurajosi por es saji").Template:BD