Hómeros

Fro Wikipedia
ArtesLiteratureSkripteres → Hómeros


Li Homère Caetani che li Louvre, 2esmi sekle K.E. romani kopie de 2esmi sekle A.K.E. greki originale.

Hómeros (grekim Ὅμηρος, Hómeros) esed legendari, frui greki poete. On traditionalim kreda ke lo komposid li Ilias e li Odísseya. Es generalim suposit ke lo vivad in li 8esmi sekle A.K.E.

Traditione dikte ke Hómeros esed blindi, e diversi ioniani urbes pretense lon loke de nasko. Altrim lon biografia es non-savat. Es multi skolasti debato pri ob Hómeros esed real persone.

Li greki vorde Hómeros signifika ”kaptate”. Es teorie ke lon nome venid fro li nome de sosiete de poetes nomat li Homeridae, kel literalim signifika ”filios de kaptates”, t.e. tes kel ha desense de milital prisonieres. Disi viros non blid tua in batalies. Les non blid senda a milite pro ke lesen loyaleso ye li loke de batalia esed suspektindi. Dunke, ye li tempe ante skripto, les esed preskriptet memora poemes e historia.