William Patrick Hitler

Fro Wikipedia
Willliam Patrick Hitler

Loke de nasko: Liverpool, Anglia

Loke de morio: Patchogue, Unionati States de Amerika

William Patrick Hitler esed li nevo de Adolf Hitler.

Lo naskad a Liverpool li dek-du de martie 1911.

Lon patro, Alois Hitler yuno, esed filio de Alois Hitler, patro del diktatoro. Lo esed filio del unesmi marita, e dunke mi-fratro plu grandi kam Adolf.

Alois Hitler yuno, fratro del diktatoro, maritad Bridget Dowling (1891-1969), de irlandi orijine e viva en Anglia.

En 1914 Alois volid viva rifoy en Germania ma lon marita did resta en Anglia, vor William Patrick naskad en 1911 dunke, a Liverpool.

William Patrick vadad en Germania en 1933 esperand tu have boni profesione, ma lon onklo dad a lo mikri labore en banke.

En 1938 Adolf Hitler demanda a lo tu abandona li britani sitadineso. Lo have pavore e ekvada rapidim fro Germania.

En 1939 lo kun lon matra vada al Unionati States de Amerika vor les aprenda ke li guere komensa (boni idee den lon apartamente, 102 Upper Stanhope Street, blid distrukte duran li Blitz)

En 1944 lo skripte al presidento Roosevelt tu demanda permise tu kombate en li US Navy e resta marinaro de guere til 1947. (filme del amerikani aktualitesos)

https://www.gettyimages.co.uk/detail/video/adolph-hitlers-nephew-william-patrick-hitler-holding-his-news-footage/504387445

Kand lo reveni al sivili vivo lo did chanja lon nome en William Patrick Stuart - Houston. Lo vivad a Patchogue sur l'isle de Long - Island.

Lo morid li 14 de julie 1987, lo esed 76 yares oldi.

Lo did have quar pueres:

  • Alexandre Adolf Stuart-Houston, naskit en 1949;
  • Louis Stuart-Houston, naskit en 1951;
  • Howard Ronald Stuart-Houston (1957-1989);
  • Brian William Stuart-Houston, naskit en 1965.