Li origines del Anglum

Fro Wikipedia
Jump to navigation Jump to search

Anglum es partikulari lingue. Lu es klasat en li germanidi lingues ma 80% de lun vordes veni de Latinum o directim o tra plu resenti latinidi lingues.

Talim en Anglum on dikte German li lingue de Germania kom si li anglianes refusud li prinsipali origine de lesen lingue.


Pro quum li linguististes klasa Anglum en li germanidi lingues?[modifika | edit source]

Li homes kel non es linguistikes de studie o de profesione vida nur o preske nur li origine del vordes. Ma dir es anke li konjugationes, li fonetike e li sintaxe.


- li germanidi vordes es min kam li latinidi vordes ma les es en li linguaje de omnidie. - li konjugationes es tipikim germanidi.


Altri origines[modifika | edit source]

Li fonetike es germanidi e keltidi. Li evolutione del oldi Germanum Kirk en church es kelti substrate, tum es influense del lingue presedenti.

Li sintaxe es globalim germanidi ma Anglum non have gerondive kom li altri germanidi lingues. Lu have restes de kelti sintaxe, exemplim : "I am working, "He es looking at"

Substrates e superstrates[modifika | edit source]

Daniani superstrates[modifika | edit source]

Li kelti lingue ante li anglo-saxones influensad li germanidi lingue del novi habitantes, ma les did es okupat en parte dal vikinges kel non lasad multi nomes de loke, preske nu li nomes en -by = ferme en olid Danum.

Ek li komuni vordes li Danum del vikinges dad :

egg insted li anglo-saxoni ey, plural eyren kel restad en li vilajes multi tempe pos ke li urbes did dikte eggs.

altri susbtantives :

leg, skull, root, steak, knife, dirt(y), birth, anger, window (fro vindauga = okule del vente)

ajektives :

low, weak, meek, ugly, ill, odd, rotten, tight, flat, awkward (basi, febli, dolsi, ledi, maladi, nombre, putrefakti, sarati, plati, inkompetenti )

verbes :

get, give, hit, cut, lift, take, cast, withdraw, raise, trust

Danum chanjad anke li morfologie. Exemplim shirt e skirt veni del sami vorde; shirt es li anglo-saxoni evolutione e skirt li danani vorde. Nunim li du vordes have diferenti signifikationes.

Li vordes pos es o daniani o influensati dal Danum kel esed li lingue del "Danelaw" en omni li est del Anglia :

sky (siele), skin, (pele), scrub (netia), scowl (tu fa li deskontenti fase), scrape (tu skrapatu), scare (fa pavore), score (entaie), screech (tu cria fortim)

En li Danelaw li deklinationes desapari[modifika | edit source]

Kun li influense del Danum li anglani deklinationes desaparid. En li temp del rego Alfred del Sussex talim esed li deklinatione de Wolf :

N : wulf, Acc : wulf, G: wulfes D: wulfe

Danum e Anglum es du germanidi lingues e ofte li radike del vordes esed sami o proxim ma li deklinationes esed diferenti. Dunke tu pova parla enter Anglanes e Vikinges lin homes did muss fa tumba li finale kel esed diferenti.

Li superstrates max importanti did es latinidi :[modifika | edit source]

- unesimi Normandum, lokali forme de Fransum en Normandia - depos Fransum, lingue del Normandes e dunke de li aristokratie. - Latinum lingue del Eklesie e ofisiali skriptet lingue.

Normandum donad exemplim wafer, wage, to wait for (wetter in Nomandum [wèté]), warden, warrant, warren, waste, wince, market (marké), castle (castel), to carry (carrier), a case, to escape (escaper), cauldron.

Li mikri influense del Lingue d'oc[modifika | edit source]

Alienor d'Aquitània, duka de Akitania devenid rega de Anglia kand la did marita Henry duesmi Plantagenest.

Poki komuni vordes veni de Akitania, nur vordes kom "library, laboratory, dictionary, diary..."

MA MULTI NOMES de persones son akitani, venind del lingue d'Oc :

Jammes (medievali oc al nominative) James John (medievali oc Juan, popularim) Juon Gregory = Gregòri anke nunim


Bibliografie[modifika | edit source]

The concise Oxford Dictionary of English Etimology, Oxford, Clarendon Press, 1986

Henriette Walter L'aventure des langues en Occident, Robert Laffont, Paris 1994, puis Librairie générale française, Paris 2001