Historie de matematike

Fro Wikipedia
Jump to: navigatione, sercha
ThreeCirclesPlain.svg Matematike → Historie de matematike

Li vorde "matematike" veni fro li greki μάθημα (máthema) kel signifika "sientie, savo, o lerno"; μαθηματικός (mathematikós) signifika "afektionant lerno". Hodie, li termine refera spesifikat korpore de savo – li rigorosi, deduktiv studio de quantitate, strukture, spatie e chanjo.

Quankam preske omni kultures usa basal matematike (konto e mesuro), novi matematikal deskovros ha bli reporta in relativim poki kultures e epokes. Ante li moderni epoke e li mondial difusione de savo, skriptet exemples de novi matematikal deskovros ha bli trova in nur poki lokes. Li maxim ansieni matematikal textes veni fro ansieni Egipte ye li Medi Regia periode sirk 2000 A.K.E. - 1800 A.K.E., Mesopotamia sirk 1900 A.K.E. - 1700 A.K.E., e ansieni India sirk 800 A.K.E. - 600 A.K.E. (Sulba Sutras). Omni disi textes es pri li Teoreme de Pythagoras, kel sembla es li maxim ansieni e maxim larjim difuset matematikal deskovro after basal aritmetike e geometria. Ansieni Grekia e li heleni kultures de Egipte, Mesopotamia e li urbe Syracuse (?) did grandisa imensim matematikal savo. Jaina matematikistes kontribud fro li 4esmi sekle A.K.E. al 2esmi sekle A.K.E., durant ke li Han Dinastie in ansieni China kontribud li Maral Isle Manu-libre e li Nin Chapitres pri li Matematikal Arte fro li 2esmi sekle A.K.E. al 2esmi sekle K.E.. Hindui matematikistes fro li 5esmi sekle K.E. e islami matematikistes fro li 9esmi sekle K.E. fad importanti kontributiones a matematike.

Komensant in renesansi Italia ye li 16esmi sekle, novi matematikal deskovros, interaktant kun novi siential deskovros, blid fa ye sempre grandisant rapideso, e disu kontinua til hodie.