Handbale
Handbale es sporte por ekipes. In ekipe lude set luderes, six sur li felde e un gol-gardere in li gol. Match de handbale dura 60 minutes (dufoy 30 minutes). On mus jeta balone in li gol. Li ekipe, kel jeta plu goles ha gana li match.
Li maxim populari varietate de handbale es disdi handbale in li hale, ma in li preterite anke handbale sur li felde e handbale sur li plaje esed tre populari.
In li hale li felde have longeso de 40 metres e larjeso de 20 metres. Li gole have un longeso de 3 metres e alteso de du metres. Li gol-spatie have radius de 6 metres e li luseres del felde non darfa envada in li gol-spatie.
Historie
[modifika | edit source]Li moderni handbale esed developa per li instruktere de sporte Max Heiser de Berlin in li yare 1917. Lo kread li lude por pueras pro ke lo pensad ke futbale es tro korporal por pueras.
Viros e femas lude handbale. Li international handbale es organisa da International Handbale Federatione.
Li handbale-sporte es maxim populari in Europa.
Handbale che li Olimpik Ludes
[modifika | edit source]Handbale sur li felde esed in li yare 1936 unfoy in li programe del Olimpik Ludes del somre. Handbale in li hale es por viros depos li yare 1972 sporte in li Olimpik Ludes del somre e depos li yare 1976 anke handbale in li hale por femas es olimpik.