Guy duesmi d'Auvernia

Guy duesmi de Auvernia / Gui Segound d'Auvernho esed komto de Auvernia fro 1194 til 1221.

Li homes del tempe dikted a lo Guioun, lon ke on trova en li nome de kastel "Chastèl Guioun" ke lo did fa konstrukte, e kel es nunim li urbete de Châtel-Guyon en fransum.

Lon patro esed Robert Quar de Auvernia.

Lon regno did es pleni de eventes. Tri es importanti.

On muss dikte ke lon fratro esed episkopo de Cliarmount / Clermont (nunim asosiati kun Montferrand)

En disi tempe Clermont esed urbe del episkopo e Montferrand li chef-urbe del Auvernia.

Li episkopo esed anke temporali chefe e dunke rivalo del Komto e did fa guere konter lo duran du yares.

LI DU PRIMI EVENTES

Lo did kombate li eretikes "cathares" en 1209 e lon soldatos did envada unesmi en li urbe de Beziers.

Primim on muss pensa ke kand lo suksedid a lon patro, Auvernia esed asosiati kun li Dukate de Akitania de Alienor de Akitania: asosiati e non vasali kom esed Limousin. (Richard Kordie de Leone blid sakra Duko de Akitania a Poitiers e a Limoges)

Dunke kand did bli guere inter Alienor e li rego de Fransia, lo did kombate li rego de Fransia... ma non did resepte helpe de Aliernor ni de Richard Kordie de Leone den en 1196 li traktate de Graillon inter Fransia e Anglia interdikte al angli rego tu interveni en Auvernia.

Li rego did prenda a lo li norde del Auverrnia e nomad lu tere de Auvernia. En li tere de Auvernhia esed Riom kel devenid grandi urbe del regali e eklesiali Justises.

En li tere de Auvernia esed anke li kastele de Tournoel vor did es grandi batalie.

foto : batalie de Tournoël https://1.bp.blogspot.com/-x_kZk9d86ss/W0VREuNSBeI/AAAAAAAAAe0/AA8E6dMuXAYzuFCKVocdabI3Vh1W47XCgCLcBGAs/s640/Philippe2_%25C3%25A0_combat_02.jpg