John Anthony Pople

Fro Wikipedia
Jump to: navigatione, sercha

Sir John Anthony Pople (31 de oktobre, 1925-15 de marte, 2004) esed britani teorial kemiisto.

Lo naskad in Burnham-on-Sea, Somerset, Anglia, Unionati Regia.

Lo movad al Unionati States de Amerika ye li 1960s, e dosed in Carnegie-Mellon Universitate til 1986, kand lo movad a Nord-vest Universitate (anglim, Northwestern University). Lo restad nationale del Unionati Regia durant sen integri vivo.

Lo konsiderad se kom matematikiste, ma teorial kemiistes konsiderad Pople kom un inter los. Lo developad pluri metodes por kalkula molekulal struktures. Pro tum lo blid granta li Nobel Premie pri kemie ye 1998.

Lo morid in Evanston, Illinois, Unionati States de Amerika.